CCLXVII.

1376, November 3. Frankenstein.

Derselbe vidimiert eine Urkunde Kaiser Karl's IV. (No. CCXXXIII.).

In nomine domini amen. Cum religiosorum virorum domino deo iugiter famulancium iustis et honestis supplicacionibus ab hiis, quorum interest, auris exaudicionis non inmerito accomodanda; hinc est, quod nos Potha de Sczastolowicz maiestate imperiali et invictissimi Wenceslai regis Romanorum et Bohemie, dominorum nostrorum graciosorum capitaneus Frankinsteynensis, ad universorum cuiuscumque potestatis sive status existant, presentes litteras intuencium pervenire volumus nocionem, quod ad nostram venit presenciam venerabilis pater et dominus Petrus de Rychinbach abbas monasterii in Camencz ordinis Cysterciensis districtus Frankinsteynensis suo suique conventus nomine nobis constantissima precum instancia studiosius supplicavit, quatenus imdempnitati et paci sui monasterii infuturum providere non dedignaremur et quoddam privilegium confirmacionis iurium et libertatum ipsius monasterii quondam per invictissimum Karolum Romanorum regem et Bohemie, dominum nostrum graciosum ipsi monasterio de innata sibi clemencia concessum, idem privilegium sub sigillo capitaneatus Frankinsteynensis ad causas per nostrum notarium rescribi dignaremur. Nos vero ipsorum iustis peticionibus favorabiliter inclinati, idem privilegium notario rescribendum commisimus. Cuius quidem privilegii tenor sequitur per omnia in hec verba: - No. CCXXXIII. - Datum in Frankensteyn feria tercia post festum beatorum apostolorum Symonis et Jude anno domini millesimo trecentesimo septuagesimo sexto.

Or. Perg. An rothseidner Schnur das S. des Hauptmanns.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.